O GDR Ulla Tambre Mandeo abre o prazo de inscrición para o curso de atención ó cliente que ten por obxectivo mellorar a calidade na atención ó visitante cunha comunicación eficaz, que transmita ás persoas que nos visitan os valores do territorio como destino turístico, e dea a coñecer os principais atractivos naturais, de patrimonio, museos, lugares e servizos.
O curso impartirase en Boimorto entre os días 8 e 11 de abril, e vai dirixido a persoas en contacto con turistas e peregrinos dos nove concellos do GDR. Persoas que traballen ou queiran traballar en hoteis, albergues, restaurantes, taxis, tendas etc.
O curso será impartido por Lidia de la Fuente, guía oficial de turismo de Galicia. As dúas primeiras xornadas serán teóricas e estarán orientadas a coñecer as necesidades do turista e como ofrecer un mellor servizo e unha comunicación máis eficaz. As dúas últimas xornadas serán saídas de campo para coñecer o noso entorno e aprender algunhas técnicas para converterse no mellor embaixador da nosa terra e un inmellorable anfitrión ou anfitriona.
A inscrición estará aberta ata completar as 18 prazas disponibles para o curso. Para anotarse hai que enviar un correo ó GDR (leader@gdrullatambremandeo.gal).
 
 

A guía da flora e a fauna do territorio é unha extraordinaria mostra do que a natureza nos ofrece, tanto nos tres ríos que nos dan nome, Ulla Tambre e Mandeo, como nos montes, na Serra do Careón, e na Lagoa de Sobrado.

Esta guía non pretende ser un listado completo e pechado de tódalas especies,.Sería imposible recoller todo! Soamente é unha ventaniña a un entorno moitas veces descoñecido, unha invitación a gozar do que nos rodea. Entra e disfruta!!

 

A calidade das imaxes fai que o documento sexa moi pesado, polo que se a vas descargar, ten paciencia, pesa dous gigas. A espera merecerá a pena!

Guía da flora e a fauna locais. Usos e tradicións

 

Ler máis...

Onde? En Santiso

Cando? Dende febreiro, unha fin de semana ó mes. Venres tarde e sábado pola mañá.

Que aprenderei? como sacarlle rendemento a un souto. Aprenderás a podar, abonar, recoller, inxertar e todo o relacionado coa castaña. E farás as prácticas cos castiñeiros, para que o leves ben aprendido!

Como me anoto? chamando ó GDR: 981 511 377

O día 26 de febreiro, dará comezo en Touro do Curso de Transformación do leite en produtos distintos

do queixo de 40 horas de duración.

O curso vai enfocado a facer unha introducción á fabricación de distintos produtos lácteos cos que dar valor engadido ó leite das nosas vacas galegas. Así aprenderemos como é o proceso de fabricación de produtos como o requeixo, o "petit suisse", iogures, batidos, nata, manteiga, kéfir e outros. A metade das horas estarán adicadas á teoría sobre as propiedades do leite, composición, microbioloxía, pasteurización, hixiene, fermentos e outros aspectos fundamentais na fabricación.

Outras vinte horas serán prácticas e levaranse a cabo en distintas instalacións, para "meter as mans no leite" e probar realmente a fabricar estes produtos. Unha das instalacións nas que se levará a cabo a fabricación será o obradoiro de Gur Gur, iogur tradicional dunha gandería de Bama, en Touro.

Ler máis...
Páxina 1 de 3