O GDR Ulla Tambre Mandeo organiza esta exposición de gran formato ó aire libre. Unha interesante mostra coas 30 mellores imaxes do territorio do GDR (Arzúa, Boimorto, Melide, O Pino, Santiso, Sobrado, Toques, Touro, Vilasantar).

A mostra, que foi inaugurada hoxe polo Presidente do Grupo, Manuel Taboada e o propio alcalde de Vilasantar, que tamén ostenta o cargo de Tesoureiro no GDR, pode ser visitada en calquera horario ata o próximo 20 de xuño. Está situada no Xardín Botánico de Vilasantar.

Vilasantar. 10-06-2022. Trinta fotografías de gran formato percorrerán durante o verán distintas localizacións para promocionar os recursos turísticos dos nove concellos que aglutina o GDR Ulla Tambre Mandeo coa idea de que os espectadores se animen a coñecelos. As espectaculares imaxes, montadas en paneis ó aire libre, poderán ser visitados por veciños e visitantes foráneos.

Fernando Pérez destaca que a exposición dá a coñecer espazos de beleza incomparable e en ocasións pouco coñecidos, como as distintas fervenzas do Ulla e os seus afluentes, a ribeira do Tambre ou o Mosteiro de Sobrado. Pero, incide, para min, o mellor lugar do mundo para perderme é Mezonzo, en Vilasantar, tanto polo seu batán, como pola ruta de sendeirismo e pola impoñente igrexa románica. Por iso - apunta-  colocou a foto máis importante da exposición, a de Pepe no batán, presidindo a entrada do concello. Para ver esta fotografía é necesario achegarse á casa consistorial.

Polo tanto, imaxes da lagoa e o mosteiro de Sobrado, do encoro de Portodemouros, de rutas fluviais a carón do Ulla, áreas recreativas, igrexas románicas, elementos etnográficos como como hórreos, pontes e muíños ou gastronomía atraen a mirada dos visitantes dende paneis dun metro de alto por metro e medio de ancho para dar conta dos moitos atractivos que os concellos de Arzúa, Melide, Boimorto, O Pino, Toques, Touro, Santiso, Sobrado dos Monxes e Vilasantar poden ofrecerlles aos visitantes. Acompaña as fotografías un breve texto informativo para situar e contextualizar os recursos.

Rodrigo Antonio Vázquez e Adolfo Enríquez, recoñecido fotógrafo autores de numerosas exposicións e publicacións turísticas, asinan a maioría das fotos que compoñen a exposición.

As fotografías poderán verse en Vilasantar ata o próximo día 20 de xuño. Despois desprazaranse ao Camiño Norte no concello de Sobrado dos Monxes.

O próximo luns 11 de abril, na EFA Piñeiral de Arzúa terá lugar o evento "Camiño de Futuro", organizado conxuntamente pola Axencia Galega de Innovación, o IGAPE, o GDR Ulla Tambre Mandeo e o GDR Asdecomor.

Este acto ten como obxectivo difundir os distintos instrumentos de apoio a disposición das empresas galegas para aumentar a súa competitividade e crecemento económico. Dentro do mesmo, celebrarase tamén  unha mesa redonda con pemes para dar a coñecer casos de éxito da comarca.

A inscrición e o programa están dispoñibles nos seguintes enlaces:

http://xornadas.galiciainnovacion.es/CaminoDeFuturo/

http://gain.xunta.gal/repo/1-ProgramaArzua.pdf

A última sorpresa do ano é a celebración dun maratón ornitolóxico, que levaremos a cabo os días 8 e 9 de outubro. Apto para todos os públicos, expertos ornitólogos, afecionados e non iniciados, público infantil e adulto, persoas, grupos e familias. Esta é a actividade final que organiza o GDR este ano dentro da promoción de turismo ambiental nas Comarca de Arzúa, Melide e o Concello de Vilasantar.

Da man de persoal experto coñeceremos e identificaremos exemplares das moitas especies de paxaros e aves que surcan os ceos do territorio e se serven del como acubillo, nas distintas paraxes naturais coas que conta: a Serra do Careón, Rede Natura 2000, a lagoa de Sobrado, Reserva da Biosfera ou as ribeiras dos ríos Ulla e Tambre e os seus afluentes.

Participa nesta actividade en plena natureza ben en solitario ou ben deixándote acompañar polo persoal experto que as xornadas poñen á túa disposición. 

Contacta co GDR para recibir máis información.

Podes inscribirte aquí: Ficha de inscrición