O martes 5 de outubro celebrarase a "II Feira Virtual Camiños de Auga nas Terras do Ulla e Tambre" organizada polo GDR Ulla Tambre Mandeo. Un evento que se desenvolverá desde as 10:00 da mañá ata as 15:00 da tarde, e que un ano máis terá como principal obxectivo por en valor os recursos naturais e turísticos dos concellos de O Pino, Arzúa, Touro, Santiso, Vilasantar, Sobrado, Boimorto, Toques e Melide. 

O evento está adicado este ano a riqueza paisaxística e a biodiversidade das zonas naturais máis importantes do territorio: A Reserva da Biosfera en Sobrado dos Monxes, a Rede Natura na Serra do Careón e a ribeira do Ulla.
 
Na primeira parte da xornada, poñeranse en valor os recursos naturais e os atractivos turísticos e de ocio da man da experta en flora e fauna local, Tamara Franco. A segunda parte da xornada está destinada ás profesionais do sector turístico, que se poñerán en contacto coas axencias de viaxes a través de mesas de contratación enfocadas e dirixidas a comercialización.
 
As inscricións para asistir ao foro poderán realizarse ata a medianoite do domingo 3 de outubro. 
 
Pode inscribirse nesta xornada no seguinte enlace completando os datos que se lle solicitan:
 

Ábrese hoxe o prazo de inscrición para asistir ás rutas ambientais, guiadas por un biólogo, que esta fin de semana se desenvolverán en O Pino e en Toques. Apto para tódolos públicos, percórrese unha pequena distancia (máximo 6 quilómetros), para a observación de flora e fauna e coñecer así os nosos ecosistemas.

O GDR da a coñecer a riqueza natural como un atractivo máis dentro do seu plan de dinamización turística, polo que durante as fins de semana do mes de setembro pon en marcha estas rutas ambientais, guiadas por persoal experto. A ruta é apta para tódolos públicos. A distancia máxima que se percorre é de 6 quilómetros. Hai 15 prazas.

 

 

No Ulla Tambre Mandeo poñemos en marcha un curso de formación destinado a coñecer as posibilidades ecolóxicas e produtivas susceptibles de implementarse en zonas Rede Natura 2000, como é o caso da Serra do Careón, a cal afecta ós ámbitos municipais de Santiso, Melide e Toques.

O obxectivo do mesmo é informar e formar convenientemente á poboación, en especial ás persoas que queiran aproveitar as terras afectadas por esta figura de forma productiva, sobre a normativa da Rede Natura e sobre as alternativas económicas e sustentables que poden poñer en práctica (usos forestais, cultivos, gando, sistemas mixtos agro e campo, plantacións para o sector da biotecnoloxía, etc); de xeito que poidan manter e aproveitar a propiedade e se evite o abandono.

O curso é de carácter gratuíto, financiado polas axudas Leader, convocadas pola Xunta de Galicia a través da Agader.

Tipo de formación e lugar: Presencial, no Telecentro Clun (Melide)

Nº de prazas: 15