Cursos de usos alternativos do monte

Nesta formación poñemos en valor a castaña como produto de calidade, aproveitando o potencial dos soutos. As persoas participantes aprenden técnicas de cultivo dos castiñeiros. O curso fomenta o desenvolvemento rural sostible, a recuperación dos soutos e a creación de iniciativas agroalimentarias baseadas nun recurso natural e tradicional de gran valor.

O curso de cultivo de plantas aromáticas e froitos do bosque ten como obxectivo promover o coñecemento práctico sobre a produción sostible destas especies, aproveitando os recursos naturais e o potencial do medio rural. As persoas participantes aprenden técnicas de cultivo, coidado, recolección. Como resultado, adquiren habilidades para diversificar a actividade agraria, poñer en valor produtos con alta demanda e impulsar pequenos proxectos de emprendemento local.

Este curso ofrece unha formación completa arredor do aproveitamento sostible dos recursos naturais do monte, con sesións prácticas e teóricas. Abrangue temas como a apicultura, a produción e recolección de cogomelos e froitos silvestres, a comercialización en espazos protexidos (Rede Natura 2000), e alternativas de xestión en montes veciñais en man común.

Este curso ofrece unha formación práctica e innovadora sobre o cultivo de camelia sinensis para producir té e de nogueiras. Dúas producións con gran potencial no rural galego. As persoas participantes aprenden técnicas de plantación, manexo e recolección, así como aspectos clave sobre adaptación o clima e coidado do solo. O obxectivo é diversificar os cultivos, fomentar a sustentabilidade e abrir novas oportunidades de mercado para produtores locais.