Promoción Turística

O cicloturismo no Ulla Tambre Mandeo é unha experiencia única e sostible. Mediante a organización de rutas, o GDR promove un tipo de turismo respectuoso co medio ambiente e dá a coñecer o territorio como un destino de referencia para os ciclistas. Estas rutas non só ofrecen unha forma activa de explorar a paisaxe e o patrimonio, senón que tamén serven para divulgar a labor do GDR como embaixador do destino, convertendo cada pedalada nunha descuberta do que esta rica comarca ten para ofrecer.

Organización de fam-trips destinados a blogueiros, influencers e outros creadores de contido e prescriptores de imaxe co obxectivo de posicionar como destino turístico de calidade o Ulla Tambre Mandeo nas súas respectivas bitácoras e perfís sociais. Na actualidade, multitude de persoas utilizan como principal fonte de información de cara á organización das súas viaxes e vacacións este tipo de información buscando as experiencias vitais que alí se recollen.

Deseño e posta en marcha dun espazo físico de divulgación turística do Ulla Tambre Mandeo en Portugal, concretamente en Oporto, para a captación de visitantes e turistas do país veciño. Ademais da presenza do stand, a celebración de sorteos e o reparto de material divulgativo, a promoción reforzouse coa posta en marcha dos perfís sociais online de Camiños de Auga en portugués.

Organización, entre outros, da Xornada sobre o potencial do Ulla Tambre Mandeo como destino cicloturista, onde foron convidadas como poñentes as principais empresas do sector a nivel galego e nacional, ou o Foro Virtual Turístico, coa inclusión dun espazo de networking e contratación entre as empresas turísticas locais e as principais axencias de viaxe que operan en Galicia como receptoras de viaxeiros.

Estudio e realización da Guía Técnica da Gran Ruta Cicloturista do Ulla, a partir do cal se busca facilitar a súa execución polo concellos polos que transcorre. Trátase dun dos proxectos recollidos como prioritarios na Estratexia de Desenvolvemento Local 2023-2027, o cal implicaría contar no territorio cunha ruta cicloturista de gran percorrido que nos sitúe na esfera dos destinos cicloturísticos europeos.